Nagdangat na sa kapin 30 ang ginbawian sang kabuhi samtang 324 naman ang pilason bangod sa snowfall sa Japan.
Sa interview sang Bombo Radyo kay Bombo International News Correspondent Josel Palma, humalin pa sang Enero 21 sang nag-umpisa magtupa ang madamol nga snow sa northern part sang Japan.
Suno diri, may yara sang forecast nga magalawig pa tubtob sa Dominggo ang snowfall.
Suno kay Palma, kalabanan sa mga nagkalamatay amo ang mga tawo nga nagtinguha nga mangpanglimpyo ukon magkuha sang snow sa palibot sang ila mga balay.
Bangod sa tuman nga kadamulon sang snow, nagakadagdag ang mga tawo kag nagakatabonan sang mabug-at nga snow nga nagaresulta sa ila kamatayon.
Pahayag ni Palma, naghatag na sang abiso si Prime Minister Sanae Takaichi sa mga pumuluyo nga mangin alerto sa weather update kag maghalong para sa ila safety.
