Ginreveal sang singer kag aktres nga si Angeline Quinto nga naakig ini sadto sa fellow singer nga si Yeng Constantino nga wala nagpakita sa iya kasal.
Suno kay Quinto si Constantino kuntani ang singer sa iya bridal march apang wala ini naka-abot bangod sa iban niya nga commitments.
Madumduman nga ginkasal si Quinto kay Nonrev Daquina sa historic Quiapo church sang 2024.
Gin-athag naman ni Quinto nga si Constantino ang makanta kuntani sa bridal march niya bangod nanamian ini sang kanta sang aktres nga ‘Ikaw’.
Matapos nga nag ‘Yes’ si Constant6ino, ginsugid na ni Quinto ang petsa sang iya kasal, amo nga sa mga abyan sini siya pa ang una nga nakahibalo kun san-o ang wedding.
Apang sang malapit na ang kasal, didto na naghambal si Constantino nga indi siya available bangod may iban ini nga commitment.
Pahayag ni Quinto, mahimo nga bangod sa pressure sa plano sang kasal amo nga naakig ini sa isa.
Bangod sa pagbag-o sa plano, naghimo na lang si Quinto sang original song nga ginsulat sini kaupod si Jonathan Manalo.
Sa karun, mas nagbakod ang pag-abyan nanday Quinto kag Constantino matapos ang natabo.
