Nagapati si Senate President Pro Tempore Panfilo Lacson nga ang pag-surrender sang Kalayaan Island Group (KIG) ang daw kaangay sang pag-abandona sang bug-os nga pungsod.
Suno sa Senador, nakasaad sa international law nga ang una nga pungsod ukon grupo nga makadiskubre kag makakuha sang kontrol sa isa ka duta ang may katungdanan nga angkunon bilang ila.
Ini ang kasunod sa kontrobersyal nga pahayag ni Senador Rodante Marcoleta nga i-surrender ang KIG sa China bangud nga suno sa iya, indi na ini sakop sang Exclusive Economic Zone (EEZ) sang Pilipinas.
Base sa prinsipyo sang “res nullius” ukon “terra nullius,” ang una nga tawo nga makadiskubre kag makapuyo sa duta nga wala sang may nagapanag-iya ang ginakilala bilang lehitimong nga naga-angkun sini.
Ginhimo ni Lacson bilang halimbawa si Tomas Cloma, nga isa ka abogado kag adventurer, nga nakadiskubre sang Spratly Islands kag gin-angkun ini antes ipasa sa gobyerno sang Pilipinas.
Bangud sini, suno sa batas, ang Pilipinas ang legal nga nagapanag-iya sang Kalayaan Islands.
Paathag ni Lacson nga ang arbitral award sa West Philippine Sea ang wala nagasakop sa Kalayaan Islands, lakip na ang Pag-asa Island, gani indi dapat ini i-surrender.
Depensa naman ni Senator Marcoleta, nga ang iya ginpahayag ang na misinterpret lang, kag indi niya buot i-surrender ang Kalayaan Islands.
