Gin-anunsyo sang Ministry of Foreign Affairs and International Cooperation nga wala sa Cambodia ang business tycoon kag pugante nga si Charlie “Atong” Ang.
Ginkumpirmar sang Ministry of Foreign Affairs sang Cambodia nga wala sang rekord nga nagsulod ukon naggwa si Ang sa bisan diin nga border checkpoints sang Cambodia.
Ini ang gin-athag sang Ministry kasunod sang mga report nga posible nga nagpanago si Ang sa Cambodia kadungan sa pagpadala sang team sang Philippine police officers sa pagdakop sang pugante.
Samtang, nagapati naman si Department of the Interior and Local Government (DILG) Secretary Jonvic Remulla nga yara lang sa Pilipinas si Ang kasunod sa kumpirmasyon sang Cambodian foreign ministry.
Paathag ni Remulla nga padayon ang kapulisan sang ila pagpangita kay Ang kag pasalig sini nga mahatagan gid sang hustisya ang masobra 100 ka mga missing sabungeros.
