May ara na sang willing nga magwitness sa kaso angot sa sa krimen nga paglampus sang bato sa tatlo ka mag utod sa Hda. Badiang, E. lopez, Silay City.
Madumduman nga napatay ang siyam ka tuig nga bata nga babayi matapos ginlampusan sang bato sa ulo kag likod samtang kritikal naman ang 15 anyos nga babayi nga nabuka ang panga kag estable na ang kondisyon sang apat ka tuig nga lalaki.
Sa interview sang Bombo Radyo Police Col. Edison Garcia, hepe sang Silay City Police Station, wala pa natumod kun pila kabilog ang suspek nga may kahimuan sa amo nga krimen.
Suno diri, may mga testigo kag ebidensiya na nga nauyatan ang otoridad apang indi pa sila mahimo makahatag sang impormasyon bangud basin maguba ang ila nga proseso.
Samtang, padayon naman ang panawagan sini sa iban pa nga indi magkahadlok sa pagpanugid sa natabo.
Suno diri, ginatutukan sa karon sang kapulisan ang case build up sa krimen kag ginalantaw ang tanan nga anggulo sa pagsulbar sa kaso.
Pahayag sini nga wala nagapabaya ang kapulisan kag nagpasalig nga mahatagan ssang hustisya ang mga biktima.
