President Bongbong Marcos, may patigayunon nga working visit sa New York, USA sa Marso

Gin-anunsyar sang Malacañang nga magapadulong si President Ferdinand “Bongbong” Marcos Jr. sa New York, USA sa Marso 8 tubtob 11, 2026 para sa isa ka working visit.

Suno kay Palace Press Officer Undersecretary Atty Claire Castro, magatambong si Marcos sa opening sang ika-70 nga session sang Commission on the Status of Women kag magahatag ini sang mensahe sa special session sang United Nations General Assembly.

Suno pa kay Castro, natalana man nga makigkita ang Presidente sa pila ka United Nations officials sa tion sang iya pagbisita.

Madumduman nga una na nga naghambal si Marcos sa 77th session sang UN General Assembly sang Septyembre 2022, binulan pagkatapos ang opisyal niya nga pagpungko bilang Presidente sang Pilipinas.