May pila ka local government unit sa Negros Occidental nga liwat nagkanselar sang klase subong nga adlaw Pebrero 11, bangod sa Shear Line.
Kanselado gihapon ang klase sa Victorias City, EB Magalona, Binalbagan, Isabella, Himamaylan City, Salvador Benedicto, La Castellana, Kabankalan City kag Hinigaran.
Sa interview sang Bombo Radyo kay Negros Occidental Provincial Disaster Risk Reduction and Management Office Head Irene Bel Plotenia, alas-5:00 kahapon sang hapon may pila ka mga nareport nga pagtaas sang lebel sang tubig sa suba kag gilayon naman nga nagpatigayon sang pre-emptive evacuation ang pila ka mga LGU apang wala pa sang may nagbakwit.
Kahapon 22 ka mga LGUs ang nagkanselar sang klase.
Suno kay Plotenia, ang mga lugar nga nagkanselar sang klase kahapon ang ginalakipan sang Calatrava, Escalante City, San Carlos City, Toboso, Salvador Benedicto, Cadiz City, Manapla City, Sagay City, EB Magalona, Murcia, Silay City, Talisay City, Bago City, La Carlota City, Pulupandan, San Enrique, Valladolid, Himamaylan City, Hinigaran, Isabela, La Castellana, kag Moises Padilla.
