Espesyal ang pagselebrar sang Valentine’s Day sa Argentina.
Sa interview sang Bombo Radyo kay Lily Natuel, Bombo Iternational News Correspondent derekta sa Argentina, duha ka semana antes ang Pebrero 14, adlaw sang paghigugma, may ara na sang mga dekorasyon nga makita sa mga nagkalain-lain nga mga malls kag pila mga lugar.
Suno kay Natuel, tuman ka sweet ang mga couples sa Argentina kun sa diin nagakadto gid ang mga lalaki sa balay sang ginikanan sa ila nga partner agud nga magtamyaw sang “Happy Valentine’s Day”.
Pahayag sini, apisar nga nagtaliwan na ang iya nga bana nga isa ka Argentine, nagapabilin sa gihapon sa iya tagipuson ang paghigugma sini.
Suno diri, kaangay man sa Pilipinas, bulak kag chocolates man ang kalabanan nga ginahatag nga regalo sa adlaw sang paghigugma sa Argentina.
Dugang pa, madamo gid sang makita nga nagapila agud magbakal sang ila nga regalo kaangay sang bulak kag chocolates.
