Igapanugyan pa sang Cauayan Municipal Police Station sa pamilya sang 11 anyos nga namissing kag nasapwan nga nalubong na sa balas sa Brgy. Tiling, banwa sang Cauayan nga mapaidalom sa Autopsy Examination ang bangkay.
Ini matapos naggwa sa Postmortem examination nga napatay ang bata bangod sa asphyxia strangulation ukon pagkakuga kag siya ang may pilas man sa anus ukon sa buli.
Sa interview sang Bombo Radyo Bacolod kay Police Lt Col Norberto Barniso, hepe sang Cauayan Municipal Police Station sa una nga pagkuha sa bata, wala sang nakita nga pilas gikan diri, apang wala man nila gindula ang posibilidad sang foul play.
Madumduman nga nadula ang bata sang Pebrero 8, kag ini ang ulihi nga nakita nga nagakutkot sang balas sa kilid sang baybay.
Sang Pebrero 9, nakita nga nagagwa ang tsinelas sang bata sa balas, kag didto na nakita nga ini ang natampukan.
Bangod sa resulta sang Postmortem Examination, ipanugyan ni Barniso sa pamilya nga mapaidalom sa Autopsy Examination ang bangkay, agud mas maathagan sa kun ano ang natabo sa bata, kag ini ang mahatagan sang hustisya.
