Epektibo ang pagtap sang local drainages sa diversion channel santo sa paglantaw sang Bacolod City Engineer’s Office.
Suno kay Engr Loben Seballos, officer in charge sang Bacolod City Engineer’s Office, ginbuslotan na ang drainage sa Palanca Street nga amo ang tapping point kag sang tinalikdan nga pag-inulan nakit-an nga madasig ang pag-ilig sang tubig.
Madumduman nga ginhingyo ni Bacolod City Mayor Greg Gasataya nga buksan na ang outfall bisan nga indi pa 100 percent complete ang proyekto.
Suno kay Seballos, nagafunction ang tanan nga drainages apang tuman kadako sang volume sang tubig nga nagasulod.
Ginalauman sini nga matap na ang tanan nga local drainages sa diversion channel agud madasig ang pag-ilig sang tubig sa outfall.
Samtang, matapos nga ma-tap ang drainage sa Palanca Street, sunod naman nga i-tap amo ang drainage sa Ferrero St.
