Masobra P800,000 nga balor sang suspected shabu, narecover sa 23 anyos nga lalaki sa Brgy Banago, Bacolod City

Dakop ang 23 anyos nga lalaki nga ginakabig nga High Value Individual sa ginpatigayon nga drug buybust operation sang Bacolod City Drug Enforcement Unit sa Purok Paraiso, Barangay Banago, Bacolod City, kahapon alas-2:48 sang hapon.

Ang suspect ang ginkilala nga si Rico Lim alyas Janjan nga residente sang nasambit nga lugar.

Narekober ang kapin 130 ka gramos sang suspected shabu nga may standard drug price nga P884,000.

Si alyas Janjan magapangatubang sang kaso sa paglapas sa RA9165 ukon Comprehensive Dangerous Drugs Act of 2002 kag nakahunong sa karun sa Bacolod Police Station 3.