Padya para sa makahatag impormasyon nga makabulig sa pag-aresto kay Atong Ang, ginpasaka sa P20 million

Gindoble pa sang gobyerno ang padya para sa makahatag impormasyon nga makabulig sa pag-aresto kay Atong Ang.

Sa isa ka press conference, gin-anunsyo ni DILG Secretary Jonvic Remulla nga ang P10 millon ang nadugangan pa sang P10 million.

Suno sa iya, ang pondo magahalin sa confidential fund sang DILG.

Dugang pa sang natungdan nga magagamit man sila sang infra-red drones agud matumod ang ginahamtangan ni Ang, nga ginapatihan yara pa gihapon sa Pilipinas.

Samtang ginkumpirmar man sang tiglikom nga wala sa Cambodia ang negosyante sandig man sa ila pagpakig-angot sa nasambit nga pungsod.