13 anyos nga bata nga babayi ni Kim Jong Un nga si Kim Ju Ae, ginalantaw nga mangin masunod nga North Korean leader

Ginpili ni North Korean leader Kim Jong Un ang iya nga bata nga babayi nga magabulos sa iya.

Ginpahayag sang South Korean spy agency, nga si Kim Ju Ae nga ginapatihan 13-anyos pa lamang ang ginaupod na sang iya amay sa iya mga lakat.

Nakaupod na ini sang nagbisita ang North Korean lider sa China sadtong Setyembre.

Nagapati man ang National Intelligence Service nga ini ang magabulos sa iya amay bangud halos masami na ini makita sa publiko ilabi na sa mga official event sang iya amay.

Ginhanas naman ini sa nagkalain-lain nga trabaho sang iya amay.

Si Ju Ae ang nagaisahanon nga bata ni Kim Jong Un kag asawa sini nga si Ri Sol Jun apang nagapati man ang NIS nga may bata ang mga ini nga lalaki apang wala ini ginapakilala sa publiko.