Ginkwestyon ni Senate President Tito Sotto III ang mga abogado nga nag-file sang petition for indirect contempt batok sa iya sa Supreme Court.
Ini ang may kaangtanan sa mga nangin pahayag niya kontra sa Korte Suprema matapos nga gindeklarar nga unconstitutional ang impeachment complaint nga ginpasaka sang Kamara batok kay Vice President Sara Duterte.
Suno kay Sotto, ginahulat niya pa ang kopya sang petition nagikan sa Korte Suprema antes ini makasabat sa issue.
Ginpamangkot sang opisyal ang mga nag-file sang petition kun paano naman ang iban nga indibidwal nga nagpabor sa iya mga ginpunto nga factual errors sa nangin desisyon sang Korte Suprema kag posibilidad nga may yara sang judicial legislation bangud kaangay nalang nga ginbag-o sang SC ang nakasaad sa Constitution.
Sang Pebrero 13, nag-file sang petition para sa indirect contempt sa Korte Suprema batok kay Sotto sanday Atty. Manuelito Luna, Atty. Ferdinand Topacio, kag Atty. Harold Respicio bangud sa ginaalegar paglapas sang SP sa “legitimate commentary” nga nagaguba sa kredibilidad sang SC.
