Masobra P63 billion ang gin-alokar nga budget sang administrasyon subong nga tuig para sa mga proyekto sang National Irrigation Administration (NIA) sa pagpasangkad sang imprastraktura sa agrikultura kag paghatag sang moderno nga kagamitan sa mga mangunguma.
Suno kay President Ferdinand Marcos Jr., ang kabug-usan nga pondo ang para sa mga programa kag proyekto sa sektor sang agrikultura subong nga tuig ang nagalab-ot sa halos P300-B.
Pahayag sang Presidente nga prayoridad sang gobyerno ang mga probinsya nga naga-produce sang humay, mais, kag high-value crops, kag mga lugar nga madamo sang mga mangunguma nga narehistro sa Registry System for Basic Sectors in Agriculture (RSBSA).
Nagpasalamat naman si President Marcos sa mga mangunguma sa ila pagpangabudlay sa paghatag pagkaon sa tagsa ka pamilyang Pilipino kag nagalaum siya nga ini ang magaserbe nga inspirasyon sa mga pamatan-on nga mapasanyog ang agrikultura kag makaserbisyo man sa pungsod.
