Nakasulod na sa ikaduha nga round sang Dubai Tennis Championships ang Pinay tennis star nga si Alex Eala.
Ini matapos nga wala na ginpadayon ni Hailey Baptiste ang ila hampang sa ikaduha nga round.
Nakuha ni Eala ang iya una nga kadalag-an sa first round sa iskor nga 6-4.
Sa ikaduha nga round, nangin mabaskog ang ginpakita nga performance sang American tennis star.
Madamo pa nga deuces ang nakuha ni Eala, apang sang nalapawan ni Baptiste ang 1-0 nga iskor, nagdesisyon ini nga untaton ang hampang bangud nakabatyag ini sang sakit sa iya tiyan, gani ginpili niya indi nalang pagpadayonon ang hampang.
Tuman naman ang kalipay ni Eala matapos ang kadalag-an, kag ginpangamuyo nga ma-ayo na ang American tennis player.
Sa masunod nga round, makaatubang sini ang World number 8 nga si Jasmine Paolini sang Italy.
