Ginasuportahan sang Malacañang ang plano sang Department of Education (DepEd) nga ipatuman ang trimester system halin Kindergarten tubtob Grade 12.
Suno kay Presidential Communications Office Undersecretary Atty. Claire Castro, ang pagbag-o sang sistema nga nalakip sa proposal sang Department of Education ang nagakinahangalan sa madalom nga pagtuon sang mga natungdan nga ahensya.
Base sa pagtuon sang Second Congressional Commission on Education (EDCOM II), ginpahayag ni Education Secretary Sonny Angara nga ang trimester system ang makahatag sang mas malawig nga panahon sang pagtudlo, makapahagan-hagan sang trabaho sang mga manunudlo, kag magapaayo sang kalidad sang edukasyon.
Ginasuhestyon sang proposal nga tungaon ang school year sa tatlo ka academic term para mas epektibo nga pagtuon sang mga estudyante.
