Gin-ako sang social media personality nga si Jack Argota nga peke ang kopya sang medical records ni Presidente Ferdinand “Bongbong” Marcos Jr. nga iya ginpakigbahin online.
Nagpangayo man siya sang pasaylo kag ginpahayag nga ginsunod lamang niya ang iban nga social media personalities nga nagpakigbahin sang pareho nga dokumento.
Kahapon sang Miyerkules, nag-atubang si Argota sa National Bureau of Investigation (NBI) – Cybercrime Division agud magsabat sa ginpadala nga subpoena kag maghatag sang iya eksplanasyon angot sa inisdente.
Suno kay NBI Director Lito Magno, nagsunod si Argota sa subpoena nga gin-issue sa iya kag naghatag sang statement.
Sang Miyerkules, Pebrero 18, nagpakita nga siya lamang isa si Argota sa National Bureau of Investigation (NBI) – Cybercrime Division agod magsabat sa ginpadala nga subpoena kag maghatag sang pahayag angot sa insidente.
Madumduman nga una na nga gin-anunsyo sang NBI nga nagpasaka sila sang cyberlibel complaint batok kanday Jay Sonza kag Eric Celiz bangud sa ginpahayag nga pagpalapta sang peke nga medical records. Suno sa ahensya, naipasaka na ang reklamo sa prosecutor’s office.
Ginpaathag man ni Magno nga separado ang ginahimo nga imbestigasyon sa kaso ni Argota.
Sa isa ka video nga gin-upload sa social media, nagpasalamat si Argota kay Magno kag sa mga opisyal sang NBI.
Wala pa sang ginpagwa nga dugang nga detalye ang mga otoridad angot sa resulta sang hearing, apang ginalauman nga magapadayon ang imbestigasyon sa masunod nga mga inadlaw.
