Gindepensahan ni AJ Raval ang iya bata sa social media matapos makabaton sang komento nga death threat gikan sa netizen.
Ginpakigbahin ni AJ ang screenshot sang comment nga nagapangabay nga mabunggoan kag mapatay ang iya bata.
Bilang sabat, nagreply si AJ nga toxic ang mga fans nga luyag manakit sa mga bata.
Ginkwestyon sini kun ngaa nagaka-involved ang iya mga bata sa isyu.
Madumduman nga ginbasol sang mga netizens si AJ bilang rason sa pagbulagay nanday Aljur Abrenica kag Kylie Padilla, nga ila naman gindeny.
Suno diri, ginsalo sini ang pagpangbasol sang iban nga tawo samtang ang tood nga may sala nagapakalinong.
Pahayag sini, indi matapos-tapos ang isyu bangod sala nga tawo ang ginapasibangdan.
Madumduman nga nag-umpisa ang love story ni AJ kag Aljur sang 2022 kag ginreveal nila sa publiko ang ila relasyon sang Valentines’ day sang 2023.
Si Aljur ang kasado kay Kylie kag gindeny ni AJ nga siya ang third party nga amo ang rason nga nagbulagay ang duha.
Sang Nobyembre, ginreveal ni AJ nga may lima ini ka bata kag tatlo diri ang bata niya kay Aljur.
Matapos nga ginkumpirmar ni AJ nga may bata sila ni Aljur, nagpabutyag sang suporta si Kylie para sa ila kag nagpahayag nga ang ila mga bata may maayo nga sibling relationship.
