Naghingyo si anay Presidente Rodrigo Duterte nga indi magtambong sa hearing sang International Criminal Court angot sa iya pre-trial detention sa Biyernes, Pebrero 27.
Sa dokumento nga ginpermahan sang legal counsel ni Duterte nga si Nicholas Kaufman, ginpahayag sini nga nagahingyo ang anay Presidente nga ipaiway ang iya kinamatarong nga magtambong sa hearing nga natalana sa Pebrero 27 sa idalum sang Rule 118(3) sang Rules of Procedure and Evidence.
Suno kay Kaufman, ang Rule 118(3) ang wala nagamando sa suspetsado nga magpakita sa hearing.
Madumduman nga ginbasura sang ICC ang apelasyon ni Duterte para sa interim release.
Nagsugod naman ang mga hearing angot sa confirmation of charges sang Lunes nga ginpadayon kahapon Martes kag magabalik sa Pebrero 26 kag 27.
