Ginpahayag sang aktres nga si Kylie Padilla nga magahalin siya sa Pilipinas kun ang iya amay nga si Robin Padilla ang magapapili bilang bise presidente sa 2028 elections.
Ini ang nangin sabat ni Kylie sang ginpamangkot siya kun ano ang iya reaksyon sa pahayg sang iya amay nga bukas siya nga magapili sa 2028 elections kun siya ang hingyuon ni anay presidente Rodrigo Duterte.
Nakakuha naman sang nagkalain-lain nga reaksyon sa social media ang pahayag sang aktres.
Apang gilayon naman niya nga ginpaathag nga ang iya ginpahayag indi pag-insulto sa iya amay.
Paathag sini nga kun matabo man gid ang luyag sang iya amay, amo maghalin siya sa Pilipinas bangud luyag niya sang matawhay kag malinong nga kabuhi. Dugang pa, wala siya sang intensyon nga insultohon ang iya amay bangud may pagsalig siya sini sa pagdumala kag sa tanan nga nangin maayo nga ginahimo para sa pungsod.
Hingyo sang aktres sa publiko nga indi pagamiton ang iya pahayag bato sa iya amay.
