Masako ang pila ka pumuluyo sa Brgy Sag-ang, La Castellana sa pagpanilhig sang abo sa atop sang ila nga mga balay.
Sa interview sang Bombo Radyo Bacolod kay Janice Preparan, may gamay nga ubo ang iya nga bata, samtang gilayon man nagpanghatag ang Barangay sang facemask.
Wala man sila problema sa tubig bangod indi man apektado ang ila water source.
Suno kay Preparan, wala man sila nahadlok sa paglupok sang Bulkan bangod sila ang naanad na.
Sila ang ginpahimos naman inkaso nga ipanawagan ang pagbakwit.
Sa pagpadulong sang Bombo News Team sa area, naabtan nga nagapanilhig sang abo sa ibabaw sang atop ang bana ni Preparan.
Suno diri, gilayon nila nga ginakuha ang abo bangod madasig sini nga ginapagabok ang mga atop.
Pahayag sini nga bag-o lang sila naka-ilis sang atop bangod ginguba man sang nakaligad nga abo gikan sa bulkan.
