Ginsabat sang prosecution ang pamangkot sang defense kun imbestigaran man ang “vigilante killings” nga nagakatabo sa idalom sang Marcos administration.
Sang Huwebes sang gab-i, Pebrero 26, madumduman nga sa isa ka bahin sang presentasyon ni defense counsel Atty. Nicholas Kaufman, ginpahayag sini nga nagpadayon man ang pagpamatay sang state forces bisan nga wala na si Duterte sa pwesto.
Ginpresentar man sini ang data kun pila ang mga kaso sang pagpamatay sa idalom sang Marcos administration, kag ginpamangkot sini ang prosecutors kun imbestigaran man bala nila ini.
Ginkuha naman ni Prosecution senior trial lawyer Julian Nicholls ang iya tion sa closing statement kagab-i agud nga sabton ang pamangkot ni Kaufman.
Suno kay Nicholls, si Duterte mismo nga kliyente ni Kaufman ang may kahimuan kun ngaa indi na sila maka-imbestigar bangud sang pag-withdraw sang Pilipinas sa Rome Statute.
