SSS retirement kag disability pensions, pasakaan sang 10 percent sa Setyembre

Magapatuman ang Social Security System (SSS) sang 10 percent nga dugang sa retirement kag disability pensions para sa ila mga pensioners umpisa Setyembre.

Ini kabahin sa gihapon sang tatlo ka tuig nga pension reform program sang SSS nga una nga ginpatuman sang nagligad nga tuig.

Sa idalom sang programa, ang mga pensioners magabaton sang tuigan nga dugang sa pension kada Setyembre halin 2025 tubtob 2027.

Magluwas sini, ang mga death kag survivorship pensioners magabaton man sang 5 percent nga dugang.

Gin-athag sang SSS nga wala sang pagtaas sa kontribusyon sang ila mga miyembro tubtub sa tuig 2027 sa pihak sang monthly pension increase.

Ginalauman nga magalab-ot sa 3.9 milyon ka mga pensioners ang makabenepisyo sa nasambit nga pension hike.