Ginpasaka ang red “flag of revenge” sa ibabaw sang dome sang Jamkaran Mosque sa Qom, Iran, bilang simbolo sang kaakig kag panawagan sang hustisya sa pungsod matapos ang pagkapatay kay Iranian Supreme Leader Ayatollah Ali Khamenei.
Madumduman nga napatay si Khamenei sang Sabado, Pebrero 28 sa isa ka joint-strike operationse sang Israel kag Us sa Tehran.
Lain naman ang nangin reaksyon sang pila ka mga lider sa west kun sa diin gintawag ni US President Donald Trump si Khamenei nga isa sa pinaka-evil nga tao sa kasysayan kag ginakabig ang iya nga pagkamatay bilang isa ka tikang para sa mga Iranian nga makabawi sa ila nga pungsod.
Sa bahin sang Tehran, nagpalakpakan kag naghinugyaw ang mga tawo sang naggwa ang balita tuhoy sa pagkamatay ni Khamenei samtang makita ang mga itom nga aso sa sa lugar kun sa diin ini naga-istar.
Suno sa Israeli Defense Forces (IDF), si Khamenei ang utok sa mga operasyon batok sa Israel kag gintawag siya nga ”head of the Iranian octopus,” nga ginapahayag may dako nga impluwensya sa Middle East.
