Nakitaan sang “Sufficiency in Form” ang ikatatlo kag ika-apat nga impeachment complaint batok kay Vice President Sara Duterte.
Ini sa ginpatigayon nga hearing sang House Committee on Justice angot sa apat ka impeachment complaint batok sa Bise Presidente.
Antes sini, una na nga ginbawi sang ikaduha nga impeachment complaint nga gin-file sang Pebrero 2.
Ang sulat nga may petsa Marso 2, 2026 ang ginbasa ni Committee on Justice Chair Atty. Gerville “Jinky Bitrics” R. Luistro.
Sa baylo, sila ang magasuporta na lamang sa ikatatlo nga complaint nga gin-file nanday Rev. Fr. Joel Saballa sadtong Pebrero 9, nga gin-endorso ni Representative Leila M. De Lima.
Suno sa ila, kaangay lamang ang mga alegasyon kag ebidensya sa ikatatlo nga reklamo kag makabulig ang tikang agud nga mapadasig ang proseso sang pagpasabat kag malikawan ang anuman nga issue sa schedule sang filing.
Kasunod sini, ginbawi man nanday Percival Cendania sang Akbayan Party-list kag Representative De Lima ang ila nga pag-endorso sa ikaduha nga reklamo.
Ginpahayag ni Delima nga ang pagbawi ang wala nagakahulugan sang pagsurrender kundi luyag lamang sang mga complainants nga mapadasig ang proseso agud nga ma-impeach ang bise presidente.
Sa pihak nga bahin, ang una nga impeachment complaint ang ginset-aside sa boto nga 22-affirmative, 10 negative kag zero abstention.
