Padayon sa gihapon ang trabaho sa Kuwait apisar nga ginkansela na ang klase kasunod sa pagpang-atake sang Iran.
Sa interview sang Bombo Radyo Bacolo kay Bombo Internatioal News Correspondent Aisha Love Salgado, sang nag-umpisa ang pagpang-atake sang Estados Unidos kag Israel sa Iran naghatag na sang abiso ang gobyerno sang Kuwait nga magkalma lamang.
Apang, sang naglunsyar sang airstrike ang Iran sa Kuwait, gin-abisohan na sila nga maghalong kag magpadulong sa shelter nga amo ang mga buluthuan didto.
Suno diri, alas- 11:00 kagab-i, oras sa Kuwait, nabatian ang ulihi nga siren kag nagpasalamat sila nga naglinong na.
Apang alas- 3:00 kaina sang kaagahon, ila na naman ginkakibot ang paglupok sang naintercept nga missile.
Suno kay Salgado, indi tayuyon ang ila pagtulog bangod wala untat ang paghuni sang siren.
Apisar sini, wala sang plano si Salgado nga biyaan ang iya trabaho sa salon sa Kuwait kag magpauli sa Pilipinas.
Dako naman ang pagsalig sini sa gobyerno sang Kuwait nga wala nagapabaya bisan sa ila nga mga Pilipino.
