Nagtuga sang mas malala nga tensyon ang komprontasyon sa tunga sang Estados Unidos kag Iran matapos nga ang submarine sini ang nag-atake sang isa ka Iranian warship malapit sa Sri Lanka.
Rason nga temporaryo nga gin-untat ang pagbyahe sang mga barko sa Strait of Hormuz sa ikalima na nga adlaw kag nagtuga sang pagka-delay sang pag-export sang produktong petrolyo naggikan sa Middle East.
Bilang sabat, nagpasalig si US President Trump sang insurance kag naval escorts para sa mga barko nga naga-export sang enerhiya halin sa rehiyon agud mapunggan ang pagsaka sang presyo.
Nahibaluan nga indi magnubo sa 200 ka barko ang nakapundo sa palibot sang ‘Gulf Countries’ nalakip na ang naguba nga container ship nga Safeen Prestige nga indi na makasulod sa pantalan.
Madumduman nga ginsara sang Qatar ang produksyon sang Liquefied Natural Gas (LNG) sa sulod sang indi magnubo sa isa ka bulan, ginpahagan-hagan sang Iraq ang produksyon sang langis bangud sa kakulang sang storage facility, kag nabudlayan ang Saudi Arabia, UAE, kag Kuwait sa pagload sang produktong petrolyo.
