Nagpaandam ang Department of Agriculture (DA) sa posible nga tuman nga pagsaka sa presyo sang imported products kun magdugay pa ang kinagamo sa Middle East.
Ini nga sentimyento ang pareho man sa ginpahayag sang mga ekonomista kag mga grupo sang lokal nga mga mangunguma.
Kasunod ini sang reports nga siradhan ang Strait of Hormuz nga isa sa pinaka-kritikal nga area sa kalibutan kun sa diin nagaagi ang one-fifth sang langis ngaginakonsumo sang kalibutan.
Suno kay Agriculture Secretary Francisco Tiu Laurel Jr., base sa mga eksperyensya sini, magasaka ang presyo sang langis sa kada may disruption sa amo nga strait.
Bangud sini apektado ang petroleum-based fertilizers, freight costs, kag ang gatong nga amo ang nagapaandar sa makina nga ginagamit sang mga mangunguma kag mga manugpangisda.
Bangud sa mataas nga bunker fuel costs, magasaka man ang shipping rates kag makaapekto sa iban nga imports pati na sa presyo sang tinapay, poultry, kag pork, kag mas mabudlayan ang gobyerno sa pagtapna sa food inflation.
