Gina-alegar nagapanago subong ang 18 ka nagpakilala nga anay miyembro sang Marines nga nagserbe bilang ‘bagmen’ kay anay Congressman Elizaldy Co bangud sa banta sa ila nga seguridad, ini suno sa grupo nga nagasuporta sa ila nga United People’s Initiative (UPI).
Suno sa secretary-general sang grupo nga si Rey Valeros Jr., nakabaton ang 18 ka indibidwal sang mga death threats kasunod sang ila nga rebelasyon sa gina-alegar pagdul-ong sang mga maleta nga may unod sang kwarta sa mga opisyal sang gobyerno.
Ginpagwa ang ini nga pahayag matapos nga wala nagtambong ang 18 ka persona sa awarding ceremony sang UPI sa San Juan City kahapon, Marso 6.
Natalana kuntani sila nga pasidunggan bangid sang ila kaisog sa pagsugid sang mga anomaliya.
Gin-ako man ni Valeros nga nagahatag sila sang bulig pinansyal kag seguridad para sa 18 ka anay sundalo.
Apang, nagpasalig man ini nga handa magpangatubang ang 18 ka marines sa bisan ano nga imbestigasyon kun mapadayon ini sa Senado, Kamara, ukon sa Office of the Ombudsman.
