Nagtuga sang kinagamo kag gamay nga tensyon sa tunga sang raliyista kag kapulisan, ang ginpatigayon nga protest march kag demonstrasyon sa Manila kahapon.
Ang nasambit nga protesta ang ginpangunahan sang Gabriela, Kabataan kag iban pa nga militante nga grupo.
Santo sa inisyal nga impormasyon, nag-umpisa ang tensyon matapos nga nagtuyo nga magmartsa ang mga demonstrador humalin sa Liwasang Bonifacio tubtob sa atubang sang US Embassy, nga gilayon man nga ginbalabagan sang kapulisan.
Ini ang ginkaakig sang mga raliyista kag diri na nagsugod ang pagbinaisay kag suno sa report, may yara sang nagapanakit nga katapo sang militante nga grupo.
Sa pihak sini, nagpabilin nga hugot ang pagpugong sang kapulisan gani sa ulihi nag-ugyon ang mga raliyista kag kapulisan nga magmartsa lamang sa Kalaw Avenue agud mapatigayon ang ila programa bangud maathag nga nasaysay sa mga ordinansa nga indi kabahin sang freedom parks ang US Embassy area.
