Ginhingyo sang International Criminal Court (ICC) Prosecution sa mga judges nga ipaathag sang defense counsel sang anay Presidente Rodrigo Duterte ang papel sang anum ka Filipino Lawyer.
Ang mga ini ang ginalakipan nanday Salvador Medialdea, Salvador Panelo, Martin Delgra, Silvestre Bello III, Alfredo Lim, kag Cesar Dulay.
Sila ang ginpakilala ni Defense Counsel Nicholas Kaufman nga nagbulig kag nagsuporta apisar nagapungko lamang ang mga ini sa gallery.
Una na nga ginpahayag ni Kaufman nga ang duha sa mga nasambit nga lawyer nga sanday Medialdea kag Delgra ang dugay na nga nagabulig sa defense team.
Suno sa prosekusyon sang ICC, nagapangayo sila sang paathag kun ang mga nasambit nga indibidwal ang myembro gid man sang defense team ni anay Presidente Rodrigo Duterte agud mausisa ang posible nga mangin risgo angot sa kaso.
Gani ginhingyo sang ICC Pre-Trial Chamber 1 ang defense lawyers nga mag-file nga ang anum ka indibidwal ang hindi myembro sang defense team.
Luyag sang prosekusyon nga ibutang sang defense sa record nga ang mga nasambit nga abogado ang indi paghatagan sang access sa kompidensyal nga mga dokumento ukon impormasyon may kaangtanan sa kaso kag indi mahimo nga makaangkon sang pribado nga pakighinun-anon kay anay presidente Rodrigo Duterte sa Detention Center.
