Truckers, nagarequest sang masobra 25 percent nga pagsaka sa trucking fee bangod sa ginalauman nga dako nga pagsaka sang presyo sang Diesel

Ginakahangawa sang Provincial Consultant on Energy sang Negros Occidental ang epekto sang dako nga pagsaka sa presyo sang produktong petrolyo sa sugar industry.

Sa interview sang Bombo Radyo Bacolod kay Rafael “Lito” Coscolluela, nagrequest ang mga truckers sang masobra 25 porsyento nga pagsaka sa trucking fee.

Suno diri, luwas sa gina-agwanta sang mga planters nga manubo nga presyo sang kalamay, magasaka pa ang trucking fee kasubong man ang production input kaangay sang abono.

Bangod man sini madamo na sang mga planters nga nagapahayag nga kun mapierde ma lang sila, mangita na lamang ang mga ini sang iban nga itanom.