Aprubado na sa House Committee on Ways and Means ang isa ka hagna nga magahatag sang gahum kay Presidente Ferdinand “Bongbong” Marcos Jr. nga temporaryo nga magsuspende ukon buhinan ang excise tax sa mga produktong petrolyo agud maproteksyunan ang mga Pinoy batok sa nagasaka nga presyo sang produktong petrolyo sa global market.
Ang substitute bill ang may kabug-usan nga 15 ka hagna kag duha ka joint resolutions, nalakip na ang House Bill 8292 nga gin-file nanday Speaker Faustino “Bojie” Dy III kag Ilocos Norte Rep. Sandro Marcos.
Sa idalum sang hagna, ang suspension ang mahimo nga ipatuman kun ang average nga presyo sang Dubai crude oil ang maglab-ot ukon magsobra sa $80 kada bariles sa sulod sang isa ka bulan.
Ang suspensyon ang mahimo maglawig sa anum ka bulan tubtob isa ka tuig.
Sa tion nga mapatuman ang suspensyon, ang Presidente ang kinahanglan man nga magsumiter sang report sa Kongreso sa sulod sang 15 ka adlaw kag bulanan.
Igasumiter na karon sa plenaryo sang Kamara ang hagna para sa dugang nga paghinun-anon.
