Opisyal na nga gin-untat sang Iraq ang operasyon sang ila nga oil ports kasunod sang mga pag-atake sang Iran sa duha ka oil tankers nga nagtuga sang kamatayon sang isa ka Indian national.
Ginkumpirmar ni Iraqi Ports Company director general Farhan al-Fartousi nga pormal na nila nga ginsuspende ang mga operasyon sa oil terminals sang Iraq samtang padayon ang functional kag commercial ports.
Nahibaluan nga may yara man sang isa ka indibidwal nga napatay samtang naluwas ang 38 ka iban pa nga sakay sang oil tankers nga nasunog sa Persian Gulf matapos maigo sang ginapatihan Iranian water drone.
Humalin sang Marso 11, may yara na sang narekord nga anom ka pag-atake sa mga barko sa Persian Gulf, samtang ang tupad sini nga Strait of Hormuz ang ginapunterya sang pag-atake sang Iran agud balabagan ang oil shipping bilang balos sa joint attack sang Amerika kag Israel.
