-- ADVERTISEMENT --
Pilason ang 25 anyos nga lalaki matapos ginluthang sang wala pa makilal-an nga suspek sa Sitio Kainggat, Barangay 1, San Carlos City, Negros Occidental, sang Miyerkules, alas- 10:52 sang aga.
Ang biktima ang ginkilala nga si alyas Joel, 25 anyos, single, wala sang trabaho, kag residente sang nasambit nga lugar.
Sa interview sang Bombo Radyo kay Police Lt Col. Nazer Canja, hepe sang San Carlos City Police Station, nakabati ang mga tawo sa area sang lupok kag nakita na lamang nga natumba si Joel nga may igo sang bala.
Suno diri, padayon ang ila backtracking sa nagluntad nga isidente agud matumod ang identity sang suspek.
Narekober naman sa area ang isa ka live ammunition sang caliber 45 kag duha ka fired cartridge cases sang caliber 45.
-- ADVERTISEMENT --
