Israel, ginpabugal ang pagkapatay sa mataas nga security official sang Iran nga si Ali Larijani

Ginpabugal sang Israel nga ila ginpatay ang isa sa mataas nga lider sang Iran nga amo si Ali Larijani.

Ginakabig si Larijani bilang nagapanguna nga security official sang Iran nga pinakabaskog nga decision maker.

Nahibaluan nga si Larajani ang pinaka-senior official sang Iran nga napatay kasunod sang pagpatay kay Supreme Leader Ayatollah Khamenei.

Nalakip man sa napatay sang Israel amo si Gholamreza Soleimani, ang nagapamuno sang Basj nga ginakahadlukan nga paramilitary force sang Iran.

Ginpahayag naman ni Israeli Prime Minister Benjamin Netanyahu nga padayon nila nga ginapahuyang ang pwersa sang mga nagapamuno sa Iran.

Gani, magahatag ini sang kahigayunan sa mga pumuluyo sang Iran nga magrebelde batok sa gobyerno.