Nagsaka sa karun ang presyo sang baligyaanay sang humay samtang nagsaka man ang presyo sang bugas.
Sa interview kay Pedro Limpangog, presidente sang Federation of Irrigators Association Central Negros Bago River Irrigation System (FIACN BRIS), pabor sa ila nga mga rice farmers ang pagbaklanay sang humay kun sa diin yara ini sa P24 tubtob P25 kada kilo sang lagtong nga humay.
Suno kay Limpangog, may yara pa man sang tag P23 kada kilo sang humay.
Dugang pa sini nga kun ipaanggid sang nagligad nga binulan mas pabor sa mga mangunguma ang sa karun nga pagbaklanay sang humay bangud sang nagligad ang humay ang ginabakal lamang sang P17 tubtob P20 kada kilo.
Ginpahayag man sini nga patapos na ang southern district sang ila nga harvest.
Apang nagakabalaka man sila sa karun sa mangin epekto sa ila panguma sa tuman nga pagsaka sa presyo sang produktong petrolyo.
Suno kay Limpangog ang presyo sang abono sang nagligad nga binulan ang yara sa P1,400 tubtob P1,500 apang sa karun nagdangat na ini sa P2,000.
May pagsaka man sa transportation cost.
Samtang ang presyo sang bugas ang nagsaka man bangud sa wholesale price sadto yara lang sa P1900 apang sa karun yara na sa P2,300 tubtob P2,350.
