P14.00-P14.50 per liter nga saka sa Diesel, P7.00-P7.50 per liter nga saka sa Gasolina, lauman sa masunod nga semana

Posible nga magdangat sa masobra P130.00 kada litro ang presyo sang diesel kag masobra P100 naman kada litro sa gasolina sa pungsod sa masunod nga semana.

Base sa projections kahapon, Marso 20, lauman ang dugang nga P14.00 tubtob P14.50 kada litro sa diesel.

Samtang, sa gasolina, lauman nga magasaka ini sang P7.00 tubtob P7.50 kada litro.

Ginalauman man nga magasaka sang daku ang presyo sang kerosene.

Ang nagapadayon nga tensyon sa Middle East ang nagatuga sang supply disruption sa pangkalibutan nga merkado.

Pahanugyan naman sang Department of Energy (DOE) nga mahimo magpadayon ang pabag-o bag-o nga presyo sang langis bangud sa supply uncertainty.