Mahimo amyendahan sang Senado ang ila mga pagsulundan agud magpatuman sang penalidad sa mga senador nga wala nagatambong sa session suno kay Senator JV Ejercito.
Ini matapos sang ethics complaint batok kay Sen. Ronald “Bato” Dela Rosa bangud sa malawig sini nga pag-absent sa senado.
Bilang chairperson sang Senate Ethics Committee, ginpahayag ni Ejercito nga ang amendment ang mahimo ipatigayon sang komitiba kag kinahanglan aprubahan sang plenaryo.
Suno kay Ejercito, wala nila gina-antisipar sadto nga tion nga may isa ka mamalidha ang indi magtambong, gani kinahanglan nga amyendahan ang mga pagsulundan sang Senado.
Madumduman nga ang reklamo batok kay Dela Rosa ang ginfile sang civil society group nga ‘Wag Kang KuCorrupt’, apang mahimo madismiss ini bangud wala pa sang polisa sa senado natuhoy sa “no work, no pay”.
Humalin pa sang Nobyembre 11 sang nakaligad nga tuig nga no-show na si Dela Rosa sa mga sesyon sa senado matapos ginbuyagyag ni Ombudsman Boying Remulla nga may-ara na sang warrant of arrest naggikan sa International Criminal Court (ICC) batok sa senador.
