300,000 barrels sang diesel gikan sa Southeast Asia, ginalauman nga maga-abot na sa Pilipinas sa masunod nga semana

Ginalauman nga maga-abot sa Pilipinas sa masunod nga semana ang 300,000 ka bariles sang diesel nga ginbakal sang gobyerno gikan sa isa ka pungsod sa Southeast Asia agud masabat ang supply needs.

Ang ini nga tikang sang Department of Energy (DOE) kag Philippine National Oil Co. (PNOC) ang may katuyuan nga masiguro ang nagakaigo nga supply sa tunga sang krisis sa Middle East.

Ang supply igabaligya sa mga pribado nga kumpaniya sang langis agud makabulig sa kakulangan.

Ang kadamuon sang diesel ang bastante lamang sa mga duha ka adlaw nga konsumo sa Pilipinas.

Ginhimo ang nasambit nga pagbakal sa tunga sang ginalauman nga pagtaas sang presyo sang produktong petrolyo sa masunod nga semana.