Posible nga pahanugutan sang Iran nga maglabay ang mga barko sang Japan sa Strait of Hormuz.
Ini nga desisyon ang ginakabig nga importante para sa Japan bangud masobra sa 90 porsyento sang ila oil supply ang nagalabay sa nasambit nga ruta.
Sa tunga sang nagapadayon nga tensyon sa Middle East, nagapabilin nga sensitibo ang sitwasyon para sa mga nagalabay sa amo nga ruta.
Apang, ang Tokyo nagdangop sa Tehran agud masiguro ang kaluwasan sang ila mga barko kag mapabilin ang padayon nga supply sang enerhiya.
Suno sa mga opisyal, nagahalong ang Japan sa ila diplomasya agud indi ma-provoke ang iban nga pungsod nga may interes sa seguridad sang Strait of Hormuz.
Ini nga tikang sang Iran nagahatag sang paglaom sa Japan nga mapabilin ang ila energy security sa pihak sang nagapadayon nga krisis sa rehiyon.
