Pormal na nga gindeklarar ni President Ferdinand Marcos Jr. ang state of national energy emergency agud maproteksyunan ang pungsod batok sa epekto sang nagalala nga tensyon sa Middle East.
Sa Executive Order (E.O.) No. 110 nga ginpagwa kahapon Marso, 24, tinutuyo sini nga gilayon masabat ang problema sa energy supply sang pungsod matapos gin-athag sang Department of Energy (DOE) ang kritikal nga sitwasyon.
Santo sa DOE, ang pagsara sang Strait of Hormuz bangod sa gyera sa tunga sang Estados Unidos, Israel, kag Iran ang nagatuga sang tuman ka dako nga halit sa global oil shipments.
Bangud ang Pilipinas ang isa ka net importer sang petroleum products, gin-ako sang gobyerno nga vulnerable ang pungsod sa gulpyada nga pagsaka sang presyo sang langis kag pagka-delay sang mga supply chains.
Agud mabuhinan ang epekto sini sa publiko kag sa ekonomiya, ginmando sang presidente ang lapnagon nga pagpatuman sang Unified Package for Livelihoods, Industry, Food, and Transport ukon UPLIFT.
Ini ang magaserbe nga opisyal nga whole-of-government response framework agud masiguro ang padayon nga lakat sang pagnegosyo kag paghatag sang kahilwayan ilabi na sa mga sektor nga pinaka-apektado.
