Natapos na ang kampanya ni Filipina Tennis Star Alex Eala matapos siya malutos ni Karolína Muchova sang Czech Republic sa iskor nga 6-0, 6-2 sa Round of 16 sang Miami Open sang Lunes.
Ang nasambit nga torneo ang naghatag sang dako nga kadalag-an kay Eala sang nakaligad nga tuig matapos mapierde ang pila ka mga Top 10 players padulong sa semifinals.
Sa ila nangin hampang, gilayon nga nagpakita sang dominasyon sa panugod si Muchova nga ika-world No. 14 kag ika-13 seed sa torneo.
Sunod-sunod nga nakahimo sang error si Eala nga liwat naghatag sang momentum kay Muchova kag natigayon nga nalutos ang Filipia Tennis Star.
Bangud sini, lauman nga maganubo ang iya rankings matapos wala naprotektahan ang iya puntos sa iya semifinals finish sang nagakaligad nga tuig.
Apisar sini, nagapabilin nga bugal sang Pilipinas ang iya ginpakita bilang World No. 29 sa Women’s Tennis Association (WTA).
