Layi nga nagahatag gahom sa Presidente sa pagsuspender ukon pagbuhin sang fuel excise tax, pirmado na ni PBBM

Ginpirmahan na ni President Ferdinand Marcos Jr. ang layi nga magahatag sang gahom sa iya nga magsuspender ukon magbuhin sang excise tax sa mga produktong petrolyo.

Sa idalom sang Republic Act No. 12316, ginahatagan ang presidente sang emergency powers nga suspendihon ukon buhinan ang excise tax sa mga produktong petrolyo, santo sa rekomendasyon sang Development Budget Coordination Committee (DBCC) kag sa pakig-angot sang tiglikom sang Department of Energy.

Mahimo gamiton ang ini nga gahom kun maglapaw sa 80 dolyar kada bariles ang presyo sang krudo sa global market sa sulod sang isa ka bulan.

Ginpaathag man nga ang pagpatuman sang suspensyon ukon pagbuhin sa excise tax ang indi maglapaw sa tatlo ka bulan sa sulod sang isa ka tuig.