Magapatigayon sang special meeting sa sunod nga semana ang economic team sang Marcos administration agud ma-istoryahan ang suspensyon sang excise tax sa petrolyo.
Suno sa Department of Budget and Management (DBM), nga nagaserbe bilang chairman sang inter-agency nga Development Budget Coordination Committee (DBCC), planohan sang ahensya ang full fiscal implications sang posible nga suspensyon sang excise tax sa langis kag pagatun-an sang maayo sang economic team ang polisa.
Madumduman nga sini lamang nga Miyerkules, ginpirmahan na ni President Bongbong Marcos Jr. ang Republic Act 12316 bilang layi, kun sa diin mahimo isuspender ukon buhinan ang excise tax sa langis base sa rekomendasyon sang DBCC kag sa pagpakig-angot sang tiglikom sang Department of Energy.
