Liwat naman nga nagsarurot ang balor sang piso matapos magsirado kahapon, Marso 27 sa P60.55 kada dolyar.
Amo na ini ang pinakamahuyang nga piso nga nalapawan ang anay rekord nga P60.30 kada dolyar sang nakaligad nga Lunes, Marso 23.
Suno sa mga financial monitoring firms, ang padayon nga paghuyang sang piso ang bangud sa nagasaka nga presyo sang langis sa global market, kadungan sang tensyon sa Middle East kag kakulangan sang seguridad sa supply chain.
Dugang pa diri, ginreport sang Philippine Statistics Authority (PSA) nga ang presyo sang mga balaklon ang nagaamat-amat naman saka, kag ginalauman magasaka pa gid kun magpadayon ang krisis sa enerhiya.
Bangud sa mahuyang nga piso, lauman nga maapektuhan man ang mga negosyo kag presyo sang mga balaklon.
