Ginafinalize na sang Department of Agriculture – Negros Island Region ang listahan sang mga farmers kag fisherfolks nga hatagan sang ayuda.
Nahibaluan nga una na nga ginhikutar sang gobyerno ang paghatag sang ayudad sa transport sector.
Sa interview sang Bombo Radyo Bacolod kay DA-NIR Director Engr. Jose Albert Barrogo, ginahikutar na nila ang paghatag sang fuel assistance.
Ang mga mangunguma ang nahalitan man sang tuman nga pagsaka sang fuel prices, bangod sila ang nagagamit man sang mga farm machineries kaangay sang harvester, traktora, water pumps kag iban pa; samtang ang mga mangingisda ang nagagamit man sang Diesel para sa ila nga pump boat.
Samtang tuigan naman sila nga nagahatag sang financial assistance para sa mga mangunguma nga may duha ka ektarya panubo nga uma.
Nakaligad nga tuig, P7,000 ang ginpanghatag sa mga mangunguma, apang ang balor ang nakadepende sa koleksyon sa idalom sang Rice Tariffication Law.
