Gin-anunsyo sang Department of Energy (DOE) nga nakakinot ang pungsod sang halos 145.43 megawatts sang enerhiya bangud sa partisipasyon sini sa Earth Hour nga nagsugod alas 8:30 tubtob alas 9:30 sang gab-i sang Sabado, Marso 28.
Suno sa DOE, nakakinot sang halos 75.25 MW nga enerhiya ang dako nga bahin sang Luzon, 66.6 MW sa Visayas kag 3.58 MW naman ang narekord sa Mindanao.
Suno kay Energy Secretary Sharon Garin, ang partisipasyon sang mga Pilipino sa tuigan nga Earth Hour ang nagakahulugan lamang nga sarang malab-ot sang pungsod ang daku nga pagnubo sa konsumo sang enerhiya.
Ginpahayag man sini nga isa lamang ini ka pahanumdom nga ang energy conservation ang wala lang ginapatuman sa sulod sang isa ka oras kundi gina-practice sa adlaw-adlaw nga hilikuton.
