Ginpaidalom sa blue alert status ang Bureau of Fire Protection – Bacolod City subong nga Holy Week.
Sa interview sang Bombo Radyo Bacolod kay Fire Superintendent Jenny Mae Masip, Fire Marshal sang Bacolod City Fire Station, humalin sang Marso 29 tubtob Abril 5 yara sa blue alert status ang BFP kay may yara sang ideploy nga perosnnel sa mga terminals, ports kag simbahan para magprovide sang assistance sa mga nagabyahe papauli.
Suno diri, may yara sang ideploy nga mga firetruck kag ambulance sa pito ka simbahan, duha ka bus terminal kag duha ka seaport sa ciudad sang Bacolod.
Pahanumdom ni Masip nga sa pag-obserbar sa Semana Santa, dapat dumdomon ang fire safety practices sa kada balay.
Pahayag sini, kun kaisa ang rason sa sunog amo ang napabay-an nga kandila kag sa tion sang Semana Santa, may yara sang pagpangamuyo kag prosisyon kag may yara sang kandila nga ginagamit.
Dugang pa sini, indi man pagpabay-an ang mga appliances nga nakasaksak kun magbiya sa balay.
